PAMARGIN TITIANG

Metangi ngedas lemah

Diastun megadang malajah

Nyapa jagate remrem

Ngantosang Sang Hyang Surya medal

Mamargi ngencolang

Kasarengin sumilir angin

Antuk manah gargita

Seed nuju genahe puniki

Genah titiang ngruruh kapradnyan

Genah titiang malajahang angga

Mangda uning ring raga

Uning ring swadharmaning dados sisya

GUMI WAYAH

Mula saja

Celebingkah batan biu

Gumi linggah ajak liu

Gumi linggah lebian luu

Ane benyah nyansan liu

Mula saja

Ne madan kaliyuga

Rwa Bhineda sing dadi palasang

Belahan pane, belahan paso

Ada kene ada keto

Ada jele ada melah

Ada ne jelene kaliwat, ne seken melah masih enu liu

Ne ngenah melah kuala jele masih ada

Selem putih

Ne putih nyansan mutihang

Putih ne madasar selem

Ne selem nyansan nyelemang

Diastun dot dadi putih

Gumine nyansan wayah

Ulian lebihan marajah

Gumine nyansan benyah

Benyah ulian ne kaliwat benyah